PRIFAZIU - par Maxime Vuillamier, Président du C.E.R.H.L.

L’opara prisintata quì ùn hè micca, framez’à tante, un’antra munugrafia di u paese. Hè più tostu un appuntamentu cù a pupulazione lumiaccia. È quessu l’appuntamentu, u vulemu annuale è u vulemu sparte dinò cù tutti quelli chì sò appassiunati di preistoria, di storia è d’archiulugia. S’è stu librettu hà cum’è primura maiò u studiu è a ricerca di a storia di Lumiu, i so scopi sò dinò d’allargassi è di francà i cunfini di a cumuna.

Hè natu da un associu (u Chjerchju di Studiu è di Ricerca Storica di Lumiu) chì s’hè furmatu intorn’à omi è donne (scentifichi, studienti, ma dinò paisani di Lumiu, tutti appassiunati) chì volenu scopre a so storia è salvalla.

Inde issu primu numaru, vi sò pruposti uni pochi d’articuli chì coprenu un bellu pò di a storia di u nostru paese. S’apre nant’à u bilanciu di a ricerca archiulogica di Lumiu. Venanu dopu dui studii nant’à u paese neuliticu di A Fuata è di u spronu di u Monte Ortu, una ricerca di i chjassi, una passu di a storia di a cunfraternita Sant Antone, d’articuli nant’à e casate di u paese è nant’à i pastori. Si compie cù una parte chjamata m’arricordu ch’è no vulariamu aparta à tutti quelli ch’anu calcosa à cuntà nant’à a storia è a vita di u paese.
U nostru librettu tuttu seriu ch’ellu hè par via di a qualità di i so cullaburatori, ci vole ch’ellu sia pà tutti, lettu da tutti.

Cù tutti quelli di l’associu, spergu ch’è vo lighjarete cù piacè stu librettu quant’è noi ne avemu avutu à scrivelu. Scialatevila à leghje, è vi demu appuntamentu à u prossimu numaru.

Traduction: Petru Bertoni